ՀԱՅԿԱԿԱՆ ԲԱՆԱԿ-20 Հայոց բանակը մեր ազգային հարստությունն է` անկախության պատվարն ու հաղթանակի դրոշը: Հայաստանի զինված ուժերի 20-ամյա հոբելյանին նվիրված միջոցառումների շարքը Հայաստանում և Արցախում վերստին հաստատումն էր այն գաղափարի, որ հայոց միասնական ոգու և հավաքական ուժի ծնունդը մեր ազգային բանակն է: Տոնի առթիվ կազմակերպված միջոցառումների կազմում ուշագրավ էր Ֆրիտյոֆ Նանսենի անվան թիվ 150 հիմնական դպրոցում կազմակերպված հուշ-ցերեկույթը: Դպրոցը տոնին երկար էր պատրաստվել. այդ մասին խոսում էին միջանցիկ սրահներում առկա դիդակտիկ նյութերն ու դահլիճում փակցված պաստառները: Միջոցառմանը ներկա էին Արցախյան հերոսամարտի քաջ հայորդիներ, կրթության և գիտության ոլորտի տարբեր ներկայացուցիչներ, Նոր Նորք վարչական շրջանի ղեկավար Մելիք Գասպարյանը և հյուրեր տարբեր ոլորտներից: Դահլիճը հերոսական հոգով էր համակված: Փողային նվագախմբի խրոխտ հնչյունները հայոց հաղթական ոգու զորությունն էին փոխանցում ներկաներին: Միջոցառումն ազդարարավեց Թովմա քահանայի օրհնությամբ, ուղղված հատկապես հայ ռազմիկներին, ովքեր պահում են մեր երկրի սահմանները: Չմոռացվեցին նաև հայոց անկախության համար իրենց կյանքը ներդրած և հայրենքի պաշտպանության ակունքներում կանգնած նվիրյյալները: Անկախ ՀՀ օրհներգը , որպես անկախության խորհրդանիշ, ներկաներին կրկին անգամ հորդորեց, որ ազատ անկախ հայրենիքի ժառանգորդներն են և պետք է պատվախնդրորեն պահեն մեր ազգային արժեքները: Ֆրիտյոֆ Նանսենի անվան թիվ 150 հիմնական դպրոցի աշակերտները հայոց հաղթական ոգու զորությունը հիշատակեցին դեռևս հայկյան շրջանից: Իմացիալ մահ հանուն ազգային տեսակի պահպանման. այո, հայը դարեր է անցել շնորհիվ իր արիական ոգու, ընկել է, սակայն երբեք չի ծնել և օրհասական պահերին, անասելի հզորությամբ համակված, համախմբվել է` գիտակցելով, որ ուժն է ծնում իրավունք: Արցախյան հերոսամարտը ասես հայոց ոգու փորձությունն էր. այն մոլեգնեց իր մեջ առնելով քաջ հայորդիներին, որոնցից շատերը դեռ կենդանության օրոք լեգենդ դարձան, իսկ ոմանք էլ, թեև անդին աշխարհում, բայց շարունակում են զավակներ կրթել` իրենց հերոսական ոգու հավերժ ճախրանքով: Հայոց հոգու փորձության արդյունքում ծնվեց մեր ազգային բանակը` հպարտությունն ու զորեղ պատվարը մեր ժողովրդի: Ֆրիտյոֆ Նանսենի անվան թիվ 150 հիմնական դպրոցում կայացած միջոցառումն ասես հայրենասիրական ինքնատիպ մի դաս էր, որն արժանացավ ներկաների հոտնկայս և բուռն ծափողջուններին: Նոր սերնդին ռազմահայրենասիրական արժեքներով դաստիարակելու և ազգային ոգով կրթելու առաքելությունը պատշաճ իրագործելու համար կրթօջախի տնօրեն Մանիկ Հայրապետյանը և պատմության ուսուցչուհի Մելանյա Մաիլյանը արժանացան Նոր Նորք վարչական շրջանի ղեկավարի շնորհակալագրին: Ֆրիտյոֆ Նանսենի անվան թիվ 150 հիմնական դպրոցը բազմիցս է հանրությանը ներկայացել օրինակելի միջոցառումներով, որոնք, որպես լուսավոր էջեր, համալրում և հարստացնում են դպրոցի բովանդակ տարեգրությունը:
2 Comments
 Երեխայի համակողմանի և ներդաշնակ զարգացման կարևոր նախապայմանը նրա երևակայությունը զարգացնելն է, ստեղծագործական մտածողության ձևավորումը: Այս առումով ուշագրավ քայլ էր «Գուչո» դպրոցական պարագաների և մանկական ստեղծագործական ապրանքների խանութ սրահին կից «Գուչո» մանկական զարգացման կենտրոնի բացումը: Նպատակը` հինգ տարեկանից բարձր երեխաներին գեղագիտական միջավայր ներգրավվելն է, տրամաբանության կատարելագործումն ու հետաքրքիր ժամանցի ապահովումը: «Գուչո» մանկական զարգացման կենտրոնում ձեր երեխաները կպատրաստեն զանազան իրեր, որոնց համար անհրաժեշտ բոլոր նյութերն ու պարագաները անվճար կտարամադրվեն «Գուչո» խանութ սրահի կողմից: Իրենց որակական հատկանիշներով հայտնի իսպանական և ռուսական ստեղծագործական իրերի համակցման արդյունքում ստացված աշխատանքները կտրամադրվեն ձեր երեխաներին` լինելով բացառիկ և արժեքավոր նվեր ձեր կամ ձեր մտերիմների համար: Այս ինքնատիպ մտահղացումները հրաշալի կերպով կզարդարեն նաև ձեր տան ինտերիերը` երեխայի մեջ բարձրացնելով գնահատված լինելու զգացումն ու մշտապես կատարելագործվելու ձգտումը: Ի դեպ ստեղծագործական կենտրոնը նախատեսել է պարբերաբար անցկացնել մրցույթներ, որտեղ հաղթող երեխաները կպարգևատրվեն նվերներով: Այնպես որ, եթե ցանկանում եք ձեր երեխայի մեջ ձևավորել վառ անհատականություն և գեղեցիկի հանդեպ յուրովի ընկալում, ապա «Գուչո» մանկական զարգացման կենտրոնը պատրաստ է սիրով ընդունել և գեղեցիկի աշխարհ ուղեկցել ձեր երեխաներին: Այստեղ կազմակերպվող վարպետության դասերը տարբեր թեմատիկաներով, հնարավորություն կտան երեխային կողմնորոշվելու, թե արվեստի որ ոլորտն է առավել հարազատ իր անհատականությանը: Բացահայտելով իր ընդունակությունները ստեղծագործելու ճանապարհով երեխան սիրով և պատասխանատվությամբ կվերաբերվի կյանքին, կդրսևորի իր անձնային լավագույն որակները: «Գուչո» մանկական զարգացման կենտրոնում դուք կապահովեք ձեր երեխայի հաճելի և արդյունավետ ժամանցը: Հիշեք, որ յուրաքանչյուր երեխա օժտված է անսահման հնարավորություններով. Հարկավոր է նրանց ինքնաբացահայտման հնարավորություն տալ և նրանք կփայլեն իրենց ողջ կատարելությամբ: «Գուչո»-Պարգևեք Ձեր երեխաներին ստեղծագործելու հաճույքը: FES HOUSE նորագույն ուսուցման միջազգային կենտրոն Յուրաքանչյուր մարդ մասնագիտական դաշտում պետք է ձգտի կատարելության, յուրացնի աշխատաշուկայում պահանջարկված գիտելիքներ, ձեռք բերի պրակտիկ հմտություններ, լինի մրցունակ և ինքնատիպ կյանքի տարբեր բնագավառներում: Այս առումով մեր երկրում արդեն 12 տարի լուրջ առաքելություն ունի “Fes house” նորագույն կրթության միջազգային կենտրոնը: Այստեղ ուսանելով ժամանակին համընթաց մասնագիտություններ` հայ և արտասահմանցի ուսանողները սահմանված ժամկետներում տիրապետում են նորագույն գիտելիքների, հմտանում նախընտրած մասնագիտության ոլորտում, գտնում բարձր վարձատրվող աշխատանք, կամ ստեղծում սեփական բիզնեսը: Եթե ցանկանում եք կատարելագործվել տեղեկատվական տեխնոլոգիաների ոլորտում, ապա “Fes house” կրթության միջազգային կենտրոնում դուք կարող եք տիրապետել համակարգչային ծրագրերի և ծրագրավորման լեզուների, մասնագիտանալ ինտերնետ կայքերի պատրաստման ու համակարգչային դիզայնի ասպարեզում: Ուզում եք հմտանալ հաշվապահության բնագավառում, ուրեմն այստեղ ուսուցանվող հաշվապահական դասընթաները Ձեզ համար են, ցանկանում եք շահավետ վարել Ձեր կամ որևէ ձեռնարկության բիզնեսը, ուսանեք մարքեթինգ և մենեջմենթ: Ուշագրավ են հատկապես “Fes house” կրթության միջազգային կենտրոնի առաջարկած դիզայներական և գեղեցիկ արվեստների ուսուցման դասընթացները: Բացահայտեք ձեր գեղարվեստական ընկալումները, ձևավորեք ձեր ընտանեկան սեղանն ու համադամ կերակուրներով հիացրեք Ձեր հարազատներին, ինչու չէ նաև ձեռք բերեք շահավետ և պահանջարկված աշխատանք սեղանի դիզայնի կամ խոհարարության ոլորտում: Այսօր արդիական են նաև ծաղկի դիզայնի, վարսահարդարման, կոսմետոլոգիայի մատնահարդարման և վիզաժի ոլորտում ունեցած գիտելիքներն ու գործնական հմտությունները, որոնք կիրառելի են ինչպես տնային պայմաններում, այնպես էլ գեղեցկության տարբեր կենտրոններում և ստուդիաներում աշխատելու առումով: “Fes house” կրթության միջազգային կենտրոնում հատուկ վերապատրաստված մասնագետների նորագույն ծրագրերի շնորհիվ ուսանողները հասանելի պայմաններով ստանում են մասնագիտական խորը գիտելիքներ, մասնակցում ուսանողական ակտիվ ժամանցին, ուրախ շոու ծրագրերին և էքսկուրսիաներին: Ուշադրություն, “Fes house” կրթության միջազգային կենտրոնում գրանցվելով ցանկացած դասընթացի դուք կստանաք մեկ լրիվ անվճար դասընթացի իրավունք, ինչպես նաև վարսահարդարման, մատնահարդարման, դիմահարդարման, մերսման և կոսմետոլոգիայի ծառայություններից անվճար օգտվելու հնարավորություն, որոնք իրականացվում են հատուկ հրավիրված մասնագետների կողմից:
“Fes house” կրթության միջազգային կենտրոնի բարձրակարգ ուսուցումն ու քառալեզու դիպլոմը, հնարավորություն է տալիս հաստատվել և կայանալ ոչ միայն հայաստանյան, այլև արտերկրի աշխատաշուկայում: Կառուցեք ձեր մասնագիտական ուղին “Fes house”-ի ջերմ և հյուրընկալ հարկի ներքո և հիշեք, որ կատարելության հասնելու համար, պետք է սովորել ողջ կյանքի ընթացքում: ԿԱՌՈՒՅՑ ԴԱՐԵՐԻ ՀԱՄԱՐ Ժամանակների անեզր տարածության մեջ գոյության և հարատևման իրավունք է վաստակում այն ազգը, որն իր կենսագործունեության սլաքը նպատակաուղղում է մարդկային վսեմ արժեքների, մնայուն ու հավերժական գործերի արարմանը: Այնժամ գիտության անշեջ կանթեղից բոցավառվում է հզոր ուժ, որի գահավեժ ընթացքին դիմակայելն անհնար է: Օլիմպիադան այն մրցասպարեզն է, ուր գիտելիքը դրվում է քննության,և հաղթում է նա, ով ուղղորդվում է իմացության փարոսով: Օլիմպիական մրցասպարեզում են խաչվում մտքի և կամքի, աշխատասիրության և ազնվության եզրերը : Ասել է թե` Գիտության յուրաքանչյուր հաղթանակ իր սկիզբն է առնում երևակայության մեծ խիզախումից: Այս հաղթարշավում լուրջ ասելիք ունեն ֆիզմաթի սաները, ովքեր հանրապետական և միջազգային օլիմպիադաներում փառքով են պսակում դպրոցի անունը: Ֆիզմաթ դպրոցի հոբելյանական օլիմպիադայի բացմանը ողջույնի խոսքով հանդես եկավ նաև ՀՀ ԿԳ նախարարի տեղակալ Մանուկ Մկրտչյանը, ով ի դեպ ֆիզմաթի շրջանավարտ է: Նա հատկապես արժևորեց նմանօրինակ օլիմպիադաների դերը փորձի փոխանակման և նոր ընկերներ ձեռք բերելու առումով` <<ֆիզմաթ դպրոցը եղել և մնում է օլիմպիական շարժման առաջամարտիկը>> ընդգծեց,փոխնախարարը վստահաբար հավելելով, որ նրա լուսավորած ուղին իմացության բարձունքներ տանող հուսալի ճանապարհ է: Միջոցառումը շարունակվեց ավանդական ծառատունկով: Խորհրդանշական դարձած այս արարողությունը խորհրդանշում էր հայոց դպրության խոր արմատներն ու անսասան հիմքերը: ԵՊՀ-ԻՆ ԱՌՆԹԵՐ ԱՐՏԱՇԵՍ ՇԱՀԻՆՅԱՆԻ ԱՆՎԱՆ ՖԻԶՄԱԹ ՀԱՏՈՒԿ ԴՊՐՈՑ ՕԼԻՄՊԻԱԿԱՆՀԱՂԹԱՐՇԱՎ Օլիմպիադան այն մրցասպարեզն է, ուր գիտելիքը դրվում է քննության, և հաղթում է նա, ով ուղղորդվում է իմացության փարոսով: Օլիմպիական մրցասպարեզում են խաչվում մտքի և կամքի, աշխատասիրության և ազնվության եզրերը: Ասել է թե` գիտության յուրաքանչյուր հաղթանակ սկիզբ է առնում երևակայության մեծ խիզախումից: Այս հաղթարշավում արդեն 45 տարի լուրջ ասելիք ունի ԵՊՀ-ին առնթեր Ա. Շահինյանի անվան ֆիզմաթ հատուկ դպրոցը: Լինելով օլիմպիական շարժման բնօրրանը` կրթօջախը այսօր էլ շարունակում է մնալ ոլորտի առաջատարը: Դպրոցի առաքելությունը տարիներ շարունակ միտված է եղել Հայաստանի, Արցախի և սփյուռքի տաբեր գաղթօջախների ֆիզիկամաթեմատիկական առարկաներից արտակարգ ընդունակություններ դրսևորող երեխաների համար պետական ծրագրերին համապատասխան բարձրակարգ ուսուցման կազմակերպումը, որի միջոցով նրանք առավելագույնս կխորացնեն իրենց գիտելիքները բնական գիտությունների բնագավառում: Կրթօջախի բազում սաներ հանրապետական և միջազգային օլիմպիադաների հաղթողներ են, ինչը վկայությունն է ֆիզմաթի վարած լուրջ և հետևողական գործելաոճի` գիտության հադեպ սեր առաջացնելու և նորանոր հաջողությունների մղելու համար: Հայաստանում օլիմպիական շարժման բնօրրանը հանդիսացող ֆիզմաթ հատուկ դպրոցը 2011 թվականի տարեմուտը ազդարարեց Հայ-վրացական միջպետական օլիմպիադայի մեկնարկով: 2 երկրից հավասարապես ընգրկվել էր 30-ական աշակերտ, իսկ Վրաստանի հավաքականում ընդգրկված էին նաև Թբիլիսիի և Ջավախքի հայկական դպրոցները ներկայացնող աշակերտներ: Հայ-վրացական դպրոցականների առաջին օլիմպիադան անցկացվեց «Մաթեմատիկա», «Ֆիզիկա» և «Ինֆորմատիկա» առարկաներից: Ֆիզմաթ դպրոցում կայացած օլիմպիադայի բացման հանդիսավոր արարողությանը ներկա էր նաև ՀՀ ԿԳ նախարար Արմեն Աշոտյանը` վերջինս ընգծեց, որ մրցույթը լուրջ հիմքեր է ստեղծում երկու երկրների աշակերտների միջև շփումների և բարեկամության խորացման համար: Հայ-վրացական կողմերի միջև հաստատված պայմանավորվածության համաձայն այս առարկայական օլիմպիադան կկրի ավանդական բնույթ: Հարկ է նշել, որ հայ-վրացական օլիմպիադայի հայկական կողմի մասնակիցների մեծ մասը ֆիզմաթ դպրոցի սաներն էին, ինչը մեկ անգամ ևս վկայում է կրթօջախի ներդրած գիտական լուրջ ավանդի մասին: Տասնամյակներ ի վեր գարունը ֆիզմաթ դպրոցում ազդարարում է հայ պատանիների և աղջիկների գիտելիքների հասունությունը, քանի որ մեկնարկում է դպրոցականների առարկայական հանրապետական օլիմպիադան: Գիտելիքի այս մրցության բարձր հարթակում հայտնված շնորհաշատ աշակերտներին ոգևորելու և գիտության հանդեպ նրանց հետաքրքրությունը զարգացնելու յուրօրինակ կամուրջ է դառնում օլիմպիադան, լույսի արարում, որը ուղենշում է ազգի հաղթական ուղին: Դարերի ու հազարամյակների հերթափոխում հայ ժողովուրդը գիր ու գրականության, արվեստի հանդեպ ցուցաբերել է բացառիկ նվիրում և այսօր այդ սիրո վառ ապացույցներից մեկը առարկայական հանրապետական օլիմպիադան է, որի բացման հանդիսավոր արարողությունը և ընթացքը պատշաճ կերպով իրականացվեց Ա. Շահինյանի անվան ֆիզմաթ հատուկ դպրոցում: Բացման արարողությանը ներկա էր նաև ՀՀ ԿԳՆ հանրակթության վարչության բաժնի պետ Իլյա Սարգսյանը, ով նախարարության՝ ի դեմս Արմեն Աշոտյանի անունից ողջունեց ներկաներին: Անդրադառնալով ֆիզմաթի սաներին` նա հատկապես կարևորեց տեխնիկական կրթության դերը, որով նրանք ինքնադրսևորվելու են կյանքում և աշխատաշուկայում: <<Մաթեմատիկան գիտությունների մայրն է,-ընդգծեց նա,- և առարկայի յուրահատկություններին ու գաղտնիքներին տիրապետել կնշանակի հաստատվել գիտության բնագավառում>>: Նմանօրինակ առարկայական օլիմպիադաները ոչ միայն խթանում են հետաքրքրությունն ու սերը առարկայի հանդեպ այլև ճանապարհ հարթում միջազգային ասպարեզ, քանի որ այստեղից են ծնվում և բացահայտվում ապագա գիտնականներն ու գործիչները: Ողջույնի խոսքով հանդես եկավ նաև Ֆիզմաթ դպրոցի տնօրեն Հայկազ Նավասարդյանը: Փաստացի զուգահեռներ անցկացնելով միջազգային օլիմպիադաներում նախորդ տարիներին գրանցված արդյունքների միջև՝ նա ուրախությամբ ընդգծեց, որ ցուցանիշները գնալով բարձրանում են: Ներկա աշակերտներին տնօրենը բնորոշեց որպես հանրակրթության սերուցք, ովքեր վաղը գիտության առաջամարտիկներ են դառնալու՝համալրելով մեր անվանի գիտնականների շարքերը: Արարողությունն ուղեկցվեց ֆիզմաթ դպրոցի մասին պատմող տեսանյութի ցուցադրությամբ, որին հաջորդեց ավանդական դարձած ծառատունկը: Նախորդ օլիմպիադայի հաղթանակած մասնակիցները ֆիզմաթ դպրոցի տնօրեն Հայկազ Նավասարդյանի ուղեկցությամբ օլիմպիականների պուրակում որպես հաղթանակի խորհրդանիշ տնկեցին հերթական անվանական ծառը, որի տարեցտարի խորացող արմատներն ու վերընձյուղումը կարծես գրավական է դառնում գիտության զարգացման և վերընթացի համար:
Արտաշես Շահինյանի անվան Ֆիզմաթ դպրոցի կյանքում արդեն երկար տարիներ հարազատ է դարձել մի ճշմարտություն, որը բոնապարտյան մեկնաբանությամբ ամբողջանում է հետևյալ գաղափարում` մաթեմատիկական գիտությունների տարածումն ու կատարելագործումը սերտորեն շաղկապված է պետության բարեկեցության հետ: Այս համոզմունքով էլ կրթօջախը նպատակային քայլեր է իրականացնում գիտության դրվածքը դեռևս դպրոցական հասակից սաների մեջ արմատավորելու համար, որին նպաստող առաջնային գործոններից է օլիմպիադաների կազմակերպումը: Այս տարի առարկայական օլիմպիադան անցկացվեց մաթեմատիկա, ֆիզիկա և քիմիա առարկաներից: Առաջադրանքները մշակված էին միջազգային օլիմպիադայի չափորոշիչներին համապատասխան: Ուշագրավ փաստ էր այն, որ հանձնաժողովի կազմում ներառված էին նախորդ տարիներին օլիմպիադայի հաղթանակած մասնակիցները, որոնց թվում նաև ֆիզմաթի շրջանավարտներ: Առարկայական հանրապետական օլիմպիադան անցկացվեց ֆիզմաթ դպրոցի հարմարավետ և համապատասխան սարքավորումներով հագեցած լաբորատորիաներում, որը ևս կարևորագույն նախապայման է միջազգային չափորոշիչներին համապատասխան որակ ապահովելու համար: Հայաստանում շուրջ 50 տարի առաջ դրվեց առարկայական օլիմպիադաների հիմքը, և հիմնաքարը դնողները դպության ջահակիրներ էին, հավատամքով, որ այդ հենասյուներին է խոյանալու գիտական մտքի հայոց տաճարը: Անցել են տասնյակ տարիներ և որդեգրած առաքելությանը հավատարիմ գիտության լույսը սերմանող ուսուցիչ, օլիմպիական շարժման առաջամարտիկ ֆիզմաթ դպրոցը շարունակում է սերմանել այն գաղափարը, որ ազնիվ հաղթանակները ձեռք են բերվում միայն գիտելիքներով: Օլիմպիադայի փակման հանդիսավոր ակկորդն էլ էր այդ խորհրդանշում: Խրախուսական շնորհակալագրեր և պատվոգրեր հանձնելով օլիմպիադայի մասնակիցներին` հանձնաժողովի նախագահները հորդորեցին սաներին շարունակել նույն ոգով, կատարելագործել և համալրել իմացության շտեմարանը, քանի որ մեծ կյանքի հաղթական ուղին կարելի է նվաճել միայն գիտության հրով: 2011 թվականի առարկայական հանրապետական օլիմպիադային ֆիզմաթ դպրոցի սաները փայլեցին իրենց գրանցած արդյունքներով: Միայն փաստերը արդեն իսկ խոսուն են` 47 դիպլոմակիրներ, որոնցից 17-ը զբաղեցրեցին առաջին, 15-ը` երկրորդ և 15-ը երրորդ պատվավոր հորիզոնականները: Հաղթանակած սաներին ոգևորելու և շնորհավորելու նպատակով` կրթօջախը կազմակերպել էր մեծարման ցերեկույթ, որտեղ իր գեղեցիկ կատարումներով ներկայացավ ֆիզմաթ դպրոցի երգչախումբը: Հանդիսավոր կերպով շնորհավորելով հաղթանակած օլիմպիականներին` ֆիզմաթ դպրոցի տնօրեն Հայկազ Նավասարդյանը արժևորեց այն նվիրյալ աշխատանքը, որն անձնուրաց կերպով ծավալել են կրթօջախի մանկավարժները: <<Աշակերտների այսօրվա հաջողությունները նրանց հետագա վերելքի առաջին քայլերն են,- հավելեց տնօրենը,-և այս վերընթացում մեծ ներդրում ունեն նաև առարկայական խմբերի ղեկավարները, որոնց ջանադիր գործելաոճի արդյունքում ֆիզմաթի սաները լուրջ նվաճումներ են ունեցել ոչ միայն ֆիզիկա, մաթեմատիկա, այլև կենսաբանություն, քիմիա, աստղագիտություն և այլ առարկաներից>>: <<Ֆիզմաթը մի զարկերակ է, որ բաբախում է յուրաքանչյուր սանի հետ և ինչպես կամուրջ ձգվում անցյալից դեպի լուսավոր ապագա,- նշեց Գեորգի Առուշանյանի անվան գեղագիտական կենտրոնի ղեկավարը: Օլիմպիականները զինվորներ են` պատրաստ կռվի, որի նպատակը գիտության հաղթանակն է>>: Շնորհակալության և բարձր գնահատականի արժանացան նաև առարկայական խմբակների ղեկավարները, ովքեր փայլուն օրինակ են իրենց սաների համար: Հաղթանակած մասնակիցները պատիվ կունենան Հայաստանը ներկայացնելու այս տարի կայանալիք միջազգային օլիմպիադային <<Դպրություն>> հաղորդաշարի ստեղծագործական խումբը ևս բարեմաղթում է հայ օլիմպիականներին լուսավոր վերելքներ, իսկ օլիմպիական շարժման բնօրրան և առաջամարտիկ ֆիզմաթ դպրոցին նվաճումներով լի հաղթական ուղի: Թող ավանդած ազնիվ գաղափարներդ հայոց մտքի երկնակամարում բոցավառեն ոսկեշող արշալույսներ:  ՄՏԻՀ Հանճարավոր լեգենդները ուշ-ուշ են աշխարհ գալիս, բայց սևակյան ճշմարիտ բնորոշմամբ` ոչ ուշացած, ծնվում են նրանք ճիշտ ժամանակին և ժամանակից առաջ են ընկնում… Այո, ծնվում են, որ իրենց հետ աշխարհ բերած գիտության հրով ժամանակների միտքը մաքրագործեն, դառնան լուսատու ասուպ և իմացության անեզր երկնակամարում հավերժի ճամփան լուսավորեն: Այդ անմահների շարքերը եկավ լրացնելու ակադեմիկոս Ավետիք Մկրտչյանը: Մեծանուն հայի անցած ճանապարհի հետագիծը տարիների հոլովույթում, որպես ոսկե ժապավեն, զարդարեց լուսավոր գործչի կենսագրության շրջանակը` դառնալով ինքն իր մասին պատմող լուսեղեն իրողություն: 20 տարի առաջ… Բառերով պարզ ասված այս ժամանակահատվածի բարդությունը անշուշտ զգացել են անկախության նախորդ և ներկա սերունդները, երբ դժվարին կացության մեջ հայտնված մեր երկրի կյանքում կենսական փոփոխություններ էին հարկավոր, անհրաժեշտ էր վերստին հաստատել այն իրողությունը, որ հայի գոյասյունն ու հաղթանակի դրոշը մտավորզորությունն է: Այս առաքելության ազնիվ հետևորդներից մեկը դարձավ հայրենասիրությամբ և արարելու ձգտումով օժտված գիտնական ԱվետիքՄկրտչյանը: Կրթական հմուտ գործիչը ձեռնամուխ եղավ նոր տիպի ուսումնական հաստատության հիմնմանը, հիմքում ունենալով միջազգային հարուստ փորձը` միահյուսված ազգամշակութային լավագույն ավանդույթներին: Արդյունքում կյանքի կոչվեց Երևանի տնտեսաիրավագիտական համալսարանը, որը արդեն 20-ամյա կեցության ժամանակահատվածում ինքնատիպ դիմագիծ և անվիճարկելի հեղինակություն ունի հայաստանյան բուհական համակարգում: Նախկինում Քրք Քրքորյանի անունը կրող Երևանի տնտեսաիրավագիտական համալսարանը հետագայում վերակոչվեց հիմնադրի անվամբ: "Մարդը երբեք չի անհետանում, նրա էությունը տարրալուծվում է տիեզերական անհունության մեջ".- Այդպիսին էր Ավետիք Մկրտչյան լուսավոր հայի տեսակը, ով համաշխարհային գիտական մտքի գահավեժ ընթացքում դարձավ հայոց ռահվիրա` վերստին ամրագրելով մեր բարձրաթռիչք ոգու և մտքի անվիճարկելի դերը համաշխարհային ասպարեզում: Յուրատիպ այդ տեսակի ամուր արմատներից վերընձյուղված կանաչ սաղարթը այսօր ևս դպրության նվիրյալ է. Գիտնականի դուստրը` հոգեբանական գիտությունների թեկնածու, դոցենտ Լաուրա Մկրտչյանը, ով պատվախնդրորեն շարունակում էհորկրթասիրականառաքելությունը. Ավետիք Մկրտչյանի արժանավոր հետևորդը եկավ քարի վրա նոր քար դնելու, շենացնելու և կառուցելու այսօր արդեն 20-ամյա կենսագրությունը բոլորած Երևանի տնտեսաիրավագիտական համալսարանի լուսավոր ուղին: Ավետիք Մկրտչյանի անվան ԵՏԻՀ-ի 20-ամյակի առթիվ Բուհը կազմակերպել էր 3-օրյա գիտաժողով "21-րդ դարի մարտահրավերները և մարդկային զարգացման ասպեկտները" խորագրով: Գիտաժողովի կարևորությունն ակներև էր, քանի որ գլոբալ խնդիրները համամոլորակային բնույթի են, ուստի և անհետաձգելի, արդյունավետ լուծման կարիք ունեն: Այս առումով պահանջվում է բոլոր պետությունների միացյալ ուժերի և մոլորակի ողջ մարդկության համախմբվածությունը: Ավետիք Մկրտչյանի անվան ԵՏԻՀ-ի կազմակերպած գիտաժողովի նպատակն էր համախմբել տարբեր երկրների գիտական ներուժը, բազմաբնույթ, գլոբալ հարցերի քննարկման և դրանց հաղթահարման ճանապարհները մշակելու համար: Եռօրյա կոնֆերանսին իրենց մասնակցությունն էին բերել կրթության և գիտության ոլորտի առաջավոր ներկայացուցիչներ` ինչպես Հայաստանից և Արցախից, այնպես էլ արտասահմանյան տարբեր երկրներից: ԲՈՒՀ-ի 20-ամյա հեբելյանին նվիրված միջազգային գիտական կոնֆերանսը մեկնարկեց նոյեմբերի 20-ին` նորաբաց լուսավոր և ընդարձակ գիտխորհրդի նիստերի դահլիճում կայացածպլենարնիստով: Բացման խոսքը վերապահված էր Ավետիք Մկրտչյանի անվան ՏԻՀ ռեկտոր, հոգեբանական գիտությունների թեկնածու, դոցենտ, Եվրոպական ռեկտորների ակումբի անդամ Լաուրա Մկրտչյանին: Հուզմունքով շաղախված շնորհավորանքի և երախտիքի խոսքերը, հասցեագրված Ավետիք Մկրտչյանին` ինքնատիպ խոստում էին լուսավոր հիշատակի առաջ, յուրացրած դասերի և պատգամների վերլուծություն, որոնց հիմքում նվիրումն էր հայրենիքին, կրթությանը և ազգային բարձր արժեքներին:
Ողջույնի խոսքով հանդես եկավ նաև ՀՀ ԿԳ նախարարիտեղակալ Մանուկ Մկրտչյանը: Հոբելյանը կարևոր առիթ է գնահատելու անցած ուղին, ձևավորված ավանդույթները և կոնկրետացնելու առաջիկա աշխատանքները։ 20-ամյա տարեգրությունը բավականին հասուն ժամանակահատված է ի մի բերելու այն ձեռքբերումներն ու անելիքները, որոնք բուհի կայացման հեռանկարում լուրջ դերակատարում կունենան: Այս տեսանկյունից ԵՏԻՀ-ի կազմակերպած եռօրյա գիտաժողովը 21-րդ դարի մարտահրավերների դեմ պայքարի ուղիներ մշակելուց բացի յուրօրինակ հանրագումար դարձավ բուհի կյանքում` վերաարժևորելու անցյալի դասերը և կամրջելու այն ապագայի նոր ծրագրերին: "21-րդ դարի մարտահրավերները և մարդկային զարգացման ասպեկտները" խորագրով եռօրյա գիտաժողովն ընթացավ 5 սեկցիայով, որոնց ժամանակ հնչեցին տարբեր զեկուցումներ ` նվիրված Մարդկային զարգացման գիտակրթական, մշակութաբանական բաղադրիչներին, բնապահպանական և բնօգտագործման հարցերին, հոգեբանական ասպեկտներին և ժամանակակից համամոլորակային հիմնախանդիրներին, մարդկային զարգացման քաղաքական, իրավական, ինչպես նաև տնտեսական , սոցիալական և ժողովրդագրական բաղադրիչներին: Ավետիք Մկրտչյանի անվան ՏԻՀ-ի հոբելյանական միջոցառումների ավարտական ակկորդը ֆիլհարմոնիայի փոքր դահլիճում կայացած տոնական հանդիսությունն էր, որին ներկա էին նաև բուհի նախկին և ներկա շրջանավարտները: Միջոցառման ընթացքում եռօրյա գիտաժողովի մասնակիցներին շնորհվեցին դիպլոմներ և հավաստագրեր: Բուհի վաստակաշատ դասախոսներըևսարժանացանպատվոգրերի` ինշանհետևողականևարդյունավետաշխատանքի: Երևանիտնտեսաիրավագիտական համալսարանի հոբելյանական անակնկալներից էր նաև Ավետիք Մկրտչյանի դիմապատկերով ձուլված ոսկե մեդալը, որը հանձնվեց համալսարանին հասակակից աշխատանքային փորձառությամբ դասախոսներին: 20-ամյահոբելյանի առթիվ տնտեսաիրավագիտական համալսարանին շնորհավորանքի խոսքեր հղեցին նաև բուհի բարեկամները: Վայոց Ձորի մարզպետ Սերգեյ Բագրատյանը, ով նաև դասախոսում է բուհում կրթօջախը բնորոշեց որպես բարության դարբնոց, որի ակունքներում, անշուշտ, մեծ գիտնական Ավետիք Մկրտչյանի ավանդած դասերն ու պատգամներն են: Արցախի Մեսրոպ Մաշտոց համալսարանի ռեկտոր Դոնարա Գաբրիելյանը ևս արժևորեց մեր երկրի համար օրհասական ժամանակահատվածում հիմնված ԵՏԻՀ դերը` Ավետիք Մկրտչյանի գործունեությունը որակելով հերոսություն: Հոբելյանական բարեմաղթանքների երկար շղթայում բուհին ջերմ խոսքեր հղեցին նաև Էստոնիայի ներկայացուցիչները` իրենց համագործակցությունը բնորոշելով որպես եվրոմիության համատեղ դաշինք: Միջոցառումն ավարտվեց երաժշտական նոտայով: ԵՏԻՀ հոբելյանը գեղեցիկ կատարումներով զարդարեցին " Նազանի"անսամբլը, Արուս Գուլանյանի ղեկավարությամբ, ինչպես նաև բուհի տաղանդավոր ուսանողները: 20-ամյա ճանապարհը որոշիչ ժամանակահատված է` հաստատվելու և կայացման լուրջ քայլերով առաջ շարժվելու համար: Միանալով բազմաթիվ շնորհավորանքներին` Ավետիք Մկրտչյանի անվան ՏԻՀ-ին մաղթում ենք ուսումնագիտական և կրթամշակութային լուրջ նվաճումներ: Դպրության ջահը կրելու դժվարին ճանապարհդ թո՛ղ դառնա բարու և իմաստության տարածման հարատև ուղի: Դպրոցը վիթխարի ուժ է, որը վճռում է ժողովուրդների և պետությունների ճակատագիրը, եթե ուզում ես ազգիդ գալիքը տեսնել լուսավոր ու պայծառ, ապա պետք է ամուր պահես աճող սերնդի միտքը, հղկես և ուղղորդես նրան, այլապես բաց կթողնես ապագան: Զուր չէ ասված՝ "Երկրի ապագան դպրոցի ձեռքում է": Մեր երկրում շուրջ 15 տարի այս գիտակցմամբ է ուղղորդվում նաև հանրակրթության ոլորտի առաջավոր կրթօջախներից "Ուսում" հանրակրթական դպրոցը: Իր որդեգրած գաղափարների հիմքում կրթօջախն ամրագրել է նպատակներ, որոնք ազգային դպրոցի հենասյուներն են կազմում` համակողմանիորեն զարգացած, հայրենասիրության, պետականության և մարդասիրության ոգով դաստիարակված, մասնագիտական կողմնորոշում ունեցող անձի ձևավորումը, այսինքն` ապագայի առողջ արմատների կերտումը: Հայ ժողովրդի դարավոր երթին կրթությունն ու հոգևոր հավատը գոյապայքարի հաղթաթուղթ են դարձել մեր ազգի կյանքում: Հետևաբար, այսօր էլ մեր հանրապետությունը հռչակում և երաշխավորում է կրթության բնագավառի առաջանցիկ զարգացումը` որպես պետականության ամրապնդման, հայ ինքնության պահպանման կարևոր երաշխիք : Այս նպատակով մեր հանրակրթական դպրոցները լուրջ առաքելություն ունեն: ՈՒստի՝ ունկնդիր լինելով դարերի ձայնին, հանրակրթության ոլորտի ներկայանալի կրթօջախներից "Ուսում" հանրակրթական դպրոցը յուրօրինակ կամուրջ դարձավ անցյալի և ներկայի ուսանելի արժեքների միջև: Գնահատելով անցյալի դասերը` իմացության ազնիվ մշակը սաների հոգում պահ տվեց ազգասիրական բարեբեր հունդեր, որոնք այսօր իրենց պտուղներն են տալիս, ապացույցը` շրջանավարտների գրանցած հաջողություններն են՝ կրթարանի վաստակած բարձր հեղինակության արժանի գրավականը: "Ուսում" հանրակրթական դպրոցի առաջընթացի հիմքում բազմավաստակ մանկավարժների նվիրումն է: Այսօր տարիների հեռավորությունից առավել տեսանելի են կրթօջախի ձեռքբերումները` ինչպես ուսումնագիտական, այնպես էլ կրթամշակութային ամենատարբեր ոլորտներում: Հայտարարի բերելով տարիների վաստակն ու ապագայի անելիքները` "Ուսում" հանրակրթական դպրոցը շարունակում է համալրել իր կենսապատումը՝ ստեղծագործական անսպառ մղումներով և կատարելագործման հաստատուն քայլերով: Սցենարի հեղինակ՝ Հեղինե Կարապետյան © Մեր կրթահամակարգի կենսատու ակունքներում իր արգասավոր պատմությամբ և վեհաշունչ կեցվածքով խոյանում է ուսումնագիտական և կրթամշակութային առաջատար մի կենտրոն՝ԵՊՀ-ը: Ազգային-մշակութային ավանդույթների ժառանգողի և փոխանցողի առաքելությունը հանձն առած մայր կրթօջախը պատվախնդիր առաքելությամբ հանդես է գալիս ոչ միայն ՀՀ-ում, այլև`ի սփյուռս հայության առջև: Իմացության անեզր հորիզոնում միահյուսելով եվրոպական և հայկական հոգևոր արժեքներն ու կրթական լավագույն ավանդույթները` ԵՊՀ-ը նախաձեռնել և իրականացնում է միջազգային ճանաչման չափանիշներին համապատասխան տարբեր հեռանկարային ծրագրեր, որոնք համահունչ են ժամանակի թելադրանքին: Այսօրինակ ձեռնարկներից է նաև “Կրթության կազմակերպում” մագիստրոսական ծրագրի հիմնումը: 1998-99 ուսումնական տարվանից ԵՊՀ մանկավարժության ամբիոնի “Կրթության կազմակերպում” բաժինը պատրաստում է կրթության կազմակերպիչներ “Հանրակրթության կառավարում” մասնագիտացմամբ, 2004-2005 ուսումնական տարվանից “Կրթությանկազմակերպում” բաժնում սկսեց գործել նաև “Բարձրագույն կրթության կառավարում” մագիստրոսական ծրագիրը` նպատակ հետապնդելով բարձրագույն կրթության ոլորտի համար համակողմանի կրթված կառավարիչների պատրաստումը: ԵՊՀ մանկավարժության ամբիոնի “Կրթությանկազմակերպում” մագիստրատրոսական ծրագրի շրջանակներում կրթական գործի ապագա կազմակերպիչները տեղեկանում են ՀՀ կրթության համակարգին, նրա կառուցվածքին, ինչպես նաև իրականացվող բարեփոխումներին, որոնք կարևոր նշանակություն ունեն կրթության որակի ապահովման ու զարգացման գործում: Հանգամանորեն վերլուծվում և քննարկվում են կրթական քաղաքականության նպատակները, խնդիրները, ռազմավարությունը, առանձնահատկությունները և իրականացման ճանապարհները: ԵՊՀ “Կրթությանկազմակերպում” մագիստրոսական կրթության ընթացքում ուսանողները ծանոթանում են կրթության ոլորտը կարգավորող նորմատիվ փաստաթղթերին, օրենսդրական դաշտին, անհրաժեշտ գիտելիքներ են ձեռք բերում ՀՀ բյուջետային համակարգի և կրթական գործունեության ֆինանսավորման եղանակների վերաբերյալ: Պետական համալսարանի մանկավարժության ամբիոնի “Կրթության կազմակերպում” մագիստրոսական ծրագրի շրջանակներում ուսանողներին ներկայացվում է կրթական համակարգի կառավարման նպատակը, խնդիրները, գործունեության չափանիշները, կառուցվածքը, կառավարման սուբյեկտների գործունեությունն ու իրավասությունների շրջանակը, կառավարման էթիկայի ժամանակակից հիմնախնդիրները: Այս ամենի արդյունքում կրթական գործի ապագա կազմակերպիչները ուսանում են մանկավարժության հիմնահարցերը, կարողանում են տեսական գիտելիքները կիրառել կոնկրետ իրավիճակում, ճկուն, արագ դիրքորոշումներ ունենալ, հիմք ընդունել կառավարման տեսությունը, սկզբունքները, գործառույթները, մեթոդները և ոճերը:
Որպես երկրի զարգացման առաջնային գերակայություններից մեկը` ներկայումս կրթության ոլորտի առաջընթացի խթանումը այն թիրախային հարցերիցէ, որի կարգավորման գործում իր ներուժն ու կենսական հնարավորություններն է ներդրել ՀՀ կառավարությունը: Սակայն, ոլորտի զարգացումն ու առաջընթացը հնարավոր չէ պատկերացնել առանց նրա ղեկը պահող, ուղղորդող և կառավարող վարչական կադրերի: Այս տրամաբանությամբ՝ ԵՊՀ մանկավարժության ամբիոնի “Կրթության Կազմակերպում” բաժինը լուրջ առաքելություն ունի, քանի որ նրան է վերապահված մասնագիտական լուրջ հնարավորություններով օժտված կրթական ոլորտի վարչական անձնակազմի պատրաստումը: ԵՊՀ մանկավարժության ամբիոնը կրթության ոլորտում մշտապես ներկայանում է նորարարի և նախաձեռնողի ինքնատիպ ձեռագրով: Այս առումով ուշագրավ էր նաև սոցիալականմանկավարժություն բաժնի հիմնումը: Դասընթացի նպատակն է ուսանողներին ներկայացնել սոցիալական մանկավարժության ուսումնասիրության առարկան, հիմնախնդիրը, մեկնաբանել սոցիալական միջավայրի դաստիարակչական մեծ ներգործությունը` տարբեր տարիքային խմբերի և տարբեր սոցիալական խնդիրներ ունեցող մարդկանց զարգացման գործընթացի վրա` սոցիալականացման համատեքստում: Մանկավարժը երկրի գիտական մտքի դարբինն է, ազգի գոյության և առաջընթացի ուղին լուսավորողը: Այս գիտակցմամբ է ԵՊՀ մանկավարժությանամբիոնը շարունակում է ուրույն խոսքն ասել մեր երկրի գիտակրթական ոլորտում` մանկավարժական հմուտ կադրերի պատրաստման և գիտական տարբեր ծրագրերի կենսագործունեության բեղմնավոր գործելաոճով: Նկարչության արվեստը մարդու գեղագիտական աշխարհի արտացոլումն է՝ կյանքի ընկալման և արժևորման յուրօրինակ դրսևորումը: Եվ միայն ընտրյալներին է հաջողվում յուրացնել արվեստի լեզուն, ստեղծելու մնայուն արժեքներ, որոնք հավերժի երկնակամարում մշտապես կշողան որպես անմար լուսատուներ: Այդ ընտրյալների շարքը եկավ լրացնելու նաև մեր ժամանակների լուսավոր նկարիչներից մեկը՝ Տիգրան Հովասափյանը: Գունային ճիշտ համադրություն, լույսի ու ստվերի յուրօրինակ զուգորդումներ, մտքի աներևակայելի թռիչք, այս կերպ է բնորոշվում գեղանկարչի արվեստը: 1971 թվականին 17-ամյա Տիգրանը ընդունվեց Երևանի գեղարվեստաթատերական ինստիտուտ: Ապագա արվեստագետի գեղագիտական ընկալումները անմիջապես նկատեց հայ մեծ նկարիչ Մարտիրոս Սարյանը, ում խորհրդով Հովասափյանը տեղափոխվեց Լենինգրադի Մուխինայի անվան գեղարվեստաթատերական ինստիտուտ: Արվեստի այս կրթօջախը և մշակութային քաղաքը յուրօրինակ դարբնոց դարձան նկարչի գեղագիտական ունակությունների զարգացման և անհատական ոճի ձևավորման համար: Այսօր գեղանկարիչը գտել է իր ինքնահաստատաման ուղին: Նրա բազմաթիվ աշխատանքները ներկայացվել և հանդիսատեսի բարձր գնահատականին են արժանացել ինչպես հայաստանյան, այնպես էլ արտերկրի բազմաթիվ ցուցահանդեսներին:
Ինքնատիպ ու բազմաժանր են գեղանկարիչ Հովասափյանի աշխատանքները: Հատկապես խոսուն են նրա բազմաթիվ դիմանկարները. դրանցից յուրաքանչյուրում արտացոլված են մարդու հոգեկան ապրումները, ներաշխարհում կուտակված հույզերը, որոնք կարծես փորձում են հանգուցալուծել մի շարք խնդիրներ: Նկարիչը ներթափանցելով դեմքի իրական դիմագծերի մեջ, կարծես փնտրում է իրեն հարազատ, անկրկնելի և ցանկալի իդեալը: Հովասափյանի վրձինը դիմանկարներում կարծես համադրում է թախիծն ու կարոտը ներքին դրաման ու առեղծվածային նրբությունը: Նկարչի գունախարհը ներդաշնակ է հայրենի եզերքին` և պարզության հետ միևնույն ժամանակ այնքան խորություն ու իմաստ է պարունակում: Հովասափյանի արվեստին բնորոշ է յուրահատուկ զգացմունքայնությունը, ինքնաարտահայտման անսահման ազատությունը: Ժամանակի ու տարածական անհունի մեջ գեղանկարչության յուրատիպ լեզվով և առանձնահատուկ ձեռագրով նա ստեղծում է իր ոճը, որտեղ հատվում են երազանքների ու կատարելության սահմանները: Հայ գեղանկարչության պայծառ ներկայացուցիչ Տիգրան Հովասափյանի կտավները կրում են առեղծվածային զգացմունքների ներդաշնակության կնիքը, որով էլ նրա արվեստի իմաստն ու բովանդակությունը հարազատ են դառնում յուրաքանչյուրիս և որպես արվեստի յուրօրինակ գոհար համալրում հայ գեղարվեստի գանձարանը: Սցենարի հեղինակ՝ Հեղինե Կարապետյան © ՆՐԱՆՔ ՄԵՐ ՎԱՂՎԱ ՕՐՆ ԵՆ Սեպտեմբերի մեկը հայերիս համար մեծ խորհուրդ և նշանակություն ունի, քանի որ շատերի կյանքում բացվում է դպրության արշալույսը: Անկախ տարիքից և սոցիալական կարգավիճակից` յուրաքանչյուրիս մեջ բոցավառում է անմեկնելի մի զգացողություն` ազդարարվում է իմացության անեզր բարձունքները նվաճելու մի նոր սկիզբ: "Դպրություն" կրթական հաղորդաշարի ստեղծագործական խումբը գիտելիքի օրվա առթիվ այցելեց Գոգոլի անվան թիվ 35 դպրոց: Կրթօջախն այս տարի իր հարկի ներքո դիմավորում էր առաջին դասարանի ավելի քան 130 փոքրիկների, ովքեր թեև հուզված բայց և ոգևորված մուտք էին գործում դպրության օրրան: Մանուկների անաղարտ աչքերում հուրհրում էին ժպիտի և թախծախառն ուրախության շողերը: Չէ որ իրենց փոքրիկ մոլորակում հեքիաթներին լրացնելու էին գալիս իմացության գաղտնիքները: Քանի ու քանի չբացահայտված հարցերի պատասխաններ են նրանք գտնելու այստեղ, աշխարհի նորովի ընկալման դռներ բացելու և որպես կյանքի հուսալի պատվար յուրացնելու կրթության գանձարանի անգնահատելի արժեքները: Նրանք մեր վաղվա օրն են, կյանքի այն նոր ծիլերը, որոնք ապագայում հայի տեսակն են ձևավորելու, նոր դեմք ու դիմագիծ են հաղորդելու դարերից եկած դարեր գնացող ժողովրդին: Գոգոլի անվան թիվ 35 դպրոցում ձևավորված ամենամյա գեղեցիկ ավանդույթի համաձայն ուսումնական տարեմուտը առանձնակի շուք և երանգ է ստանում դառնալով յուրօրինակ տոն, որն անմոռաց հուշի պես դաջվում է յուրաքանչյուրի հիշողությունում: Այս տարին ևս բացառություն չէր: Դպրանոցը տոնական տեսք էր ստացել: Ամենուր ժպիտներ էին, շնորհավորանքի և մաղթանքների անվերջ շղթա:
Այո, դպրության օը տոն է, չէ որ ազգի գոյութան հենասյունն ու հաղթանակի դրոշը բոլոր ժամանակներում եղել և մնում է գիտելիքը: Որքան կրթված է հասարակությունը այնքան առավել լայն են կյանքը կազմակերպելու, բարեկեցությունը ապահովելու սեփական մշակույթը պահապնելու և զարգացնելու հնարավորությունները: Այս գաղափարներն են հայ կրթարանները սերմնացանի պես շաղ տալիս մանուկների հոգում, որոնք լուսավոր ուղեցույց կլինեն նրանց անցնելիք երթին: Դպրության օրը անասելի խնդությամբ էին համակված ոչ միայն սաների այլեւ ուսուցիչների հոգիները, ովքեր հավատարիմ իրենց կոչմանը կրթության և գիտելիքի տաճարում հայորդիներին կրթում են ազգային ոգով եւ հայրենի սրբազան արժեքներով, նրանց հոգում սերմանում ազնվության ու աշխատասիրության, հայրենասիրության և բարության ազնիվ հունդեր: Կրթության հազարամյա պատմություն ունեցող մեր ազգի կյանքում կրթությունը մեր արժեքային համակարգի հարատեւության, ինչպես նաեւ ապագայի հզորության գրավականն է, տեղին է ասված` գիտելիքը ուժ է: Սցենարի հեղինակ՝ Հեղինե Կարապետյան © | ԴՊՐՈՒԹՅՈՒՆ
"Դպրություն" կրթական հաղորդաշարը արդեն 10 տարի է՝ լուսաբանում և հանրության լայն շրջանակներին է ներկայացնում հանրակրթության, նախնական, միջին մասնագիտական, բարձրագույն և հետբուհական կրթության ոլորտների գործունեությունը: Ծրագիրն անդրադառնում է այդ ենթակառուցվածքներում իրականացվող բարեփոխումներին, առկա խնդիրներին և դրանց հաղթահարման ուղիներին: Եթե կազմակերպում եք հիշարժան և գեղեցիկ միջոցառումներ, որոնք ուսանելի են, դաստիարակչական և նպատակ ունեն կրթության ոլորտում լուրջ բարեփոխումներ իրականացնեն, ապա մեր հաղորդաշարի ստեղծագործական անձնակազմը պատրաստ է համագործակցության: 010 64 38 25 091 45 98 88 Archives |
|
|
RSS Feed